function printit if (window.print) window.print ; else var WebBrowser - 19. Sayfa - Naat


	A'T (Rubâiyyât)

Ey bâis-i îcâd-ı nizâm-ı dü serâ Halk oldu senin nâmına cümle eşya Düşmezse aceb mi hâke zilletle o kim Tâbi' ola her kârda çün sâye sana Ey zâtın olan Hazret-i Hakk'a mahbûb Hüsnünden olur mihr-i münevver mahbûb Na'l olsa sezâ Burak'ına ebruy-i hûr Dergâhına şehper-i melâik çârûb Ey mebde-i âlem sebeb-i mevcûdât Vey sâhib-i ahlâk-ı hasen âlî zât Kaadir mi olan nev'-i beşer meddâhın Vasfına nüzûl eyledi çün kim âyât İcâd-ı cenâna hilkatindir bâis İdhâle bizi inâyetindir bâis Ey şâh-ı rüsul kesretine cürmümüzün Hep ârzu-yi şefâatindir bâis Ey mefhar-i enbiyâ vü sâhib-i mi'râc Sultân ü gedâ dergehine hep muhtâc Düşmezse nola rûy-i zemîne gölgen Arş, etti onu izzet ile başına tâc ZÜBEYDE FİTNAT HANIM (v. 1780)